Mərhəmətli və rəhmli Allahın adı ilə




Yüklə 281.13 Kb.
səhifə1/3
tarix21.04.2016
ölçüsü281.13 Kb.
  1   2   3

PDF...

DƏVƏT İMAMLARININ



(Allah onlara rəhmət etsin)

MÜƏYYƏN İNSANA HÜCCƏT ÇATDIRMAQ HAQQINDA SÖZLƏRİ




Toplayan:

Rəşid ibn Əhməd Uveyyiş

Tərcümə edən:

Rahim Muradlı



Mərhəmətli və rəhmli Allahın adı ilə
əqiqətən həmd Allaha məxsusdur. Biz Ona həmd edir, Ondan yardım və günahlarımızın bağışlamasını diləyirik. Nəfslərimizin şərindən və pis əməlləri­miz­dən Allaha sığınırıq. Allahın doğru yola yönəltdiyi kimsəni azdıran, azdırdığı kimsəni isə doğru yola yönəldən tapılmaz.

Mən şahidlik edirəm ki, Allahdan başqa ibadətə layiq haqq məbud yoxdur. O, təkdir və şəriki yoxdur. Mən şahidlik edirəm ki, Məhəmməd Onun qulu və elçisidir.



"Ey iman gətirənlər! Allahdan layiqincə qorxun. Yalnız müsəlman olduğunuz halda (müsəlman kimi) ölün!" (Ali-Imran,102)

"Ey insanlar! Sizi tək bir şəxsdən (Adəmdən) xəlq edən, ondan zövcəsini (Həvvanı) yaradan və onlardan da bir çox kişi və qadınlar törədən Rəbbinizdən qorxun! (Adı ilə) bir-birinizdən (cürbəcür şeylər) istədiyiniz Allahdan, həmçinin qohumluq əlaqələrini kəsməkdən həzər edin! Şübhəsiz ki, Allah sizin üzərinizdə gözətçidir!" (ən-Nisa,1)

"Ey iman gətirənlər! Allahdan qorxun və doğru söz söyləyin! (Əgər belə etsəniz, Allah) əməllərinizi islah edər və günahlarınızı bağışlayar. Hər kəs Allaha və Peyğəmbərinə itaət etsə, böyük bir səadətə (Cənnətə) nail olar." (əl-Əhzab,70-71)

Həqiqətən, sözlərin ən doğrusu Allahın kəlamı, yolların ən xeyirlisi Məhəmmədin (ona Allahın salavatı və salamı olsun!) yoludur. Əməllərin ən pisi isə son­ra­dan uydurulanlardır. Sonradan uyduru­lub dinə gətirilən hər əməl bidət, hər bidət yolundan sapma və sapma da cəhənnəm­likdir”*.

Müəyyən insanı təkfir etmək İslam ümmətinin səhabələrin dövründən bu günümüzə qədər yaşadığı ən təhlükəli məsələlərdəndir. Raşidi xəlifə Osman ibn Əffanın xilafətinin ilk vaxtlarında və eləcə də Əli ibn Əbu Talibin xilafətində xarici (xəvariclər) firqəsi meydana çıxdı. Bu firqə adı çəkilən xəlifələrə kafir deyir, onlara qarşı zülm və ədavətlə döyüşürdülər. Onlar Peyğəmbərin (Ona və ailəsinə Allahın salavatı və salamı olsun) səhabələrini, bu xəlifələrə dəstək olan müsəlmanları kafir sayır, hətta onları qətlə yetirirdilər.

Xaricilər (xəvariclər) firqəsi zühur etdikdən sonra bu günə qədər müxtəlif təriqətlər zühur etməkdədir. Sələfi salehin davamçıları sayılan Əhli Sünnə və Camaatı Allah təala haqq yola yönəltmiş və onları bu yolun yolçusu olmağa müvəffəq etmişdir. Onlar dində ifrata varanlarla ona laqeydlik göstərənlər arasında orta bir mövqe tutmuşlar. Xaricilər (xəvariclər) firqəsi öz təhlükəli əqidəsini müsəlmanlara kafir demək metodu əsasında qurmuşlar. Səhabələrin vaxtından bu günə qədər haqq tərəfdarı olan bir çox İslam alimləri onların əqidələrinin batil olmasını şəriətin açıq-aşkar dəlilləri ilə isbat etmişlər. Haqq tərəfdarı olan alimlərə nümunə olaraq, başda Şeyxülislam Məhəmməd ibn Əbdülvahhab ət-Təmimi1 (Allah ona rəhmət etsin) olmaqla bütün dəvət imamlarını göstərmək olar. Onlar müəyyən insana kafir demək barədə öz metodlarını açıqlamış və bu xüsusda Sələfi Salehin metodunda olduqlarını bildirmişlər. Elmi mənbələrimin qıtlığı səbəbindən, tam olmasa da bacardığım qədər "Müəyyən insana kafir demədən öncə ona hüccətin çatdırılması"nın vacibliyi haqqında bu alimlərin bəzi sözlərini toplamışam. Bu mövzuda onların otuzdan çox sözünü qeyd etmişəm. Düşünürəm ki, bu sitatlar dəvət imamlarının sözlərini səhv başa düşən qardaşlarımızı (Allah bizim hamımızı bağışlasın) qane edəcəkdir. Daha sonra yekun olaraq hüccəti başa düşməyin (Fəhmul Hüccət) şərt olması məsələsi haqqında doğru rəyi qeyd edib, Məhəmməd ibn Əbdülvahhab və digər dəvət imamlarının hüccəti başa düşməyi bir şərt olaraq qəbul etdiklərini, əvvəlki alimlərin yolu ilə getdiklərini açıqlamışam. Məhəmməd Rəşid Ridanın, Şeyx Əbu Bətinin (Allah ona rəhmət etsin) sözünə gətirdiyi açıqlamanı da qeyd etmişəm. Bu açıqlama ilə məsələnin bir çox qaranlıq tərəfi açıqlanır, hədis və elm tədqiqatçıları sayılan alimlərin metoduna əsasən hüccətin çatdırılması ilə bərabər onun başa düşülməsi mütləq lazımdır.

Məni, alimlərin sözlərini toplamağa sövq edən amil bu alimləri müdafiə etməkdir. Belə ki, onların öz etiqadlarını kitablarından bəyan etmələrinə baxmayaraq, yenə də etiqad etmədikləri məsələlər onlara nisbət edilmişdir.

Əzəmətli Ərşin Rəbbi Allahdan istəyirəm ki, bu yazdıqlarımı mübarək və sırf Onun rizası üçün edilən əməl kimi qəbul etsin, bunu həmin alimlərin müdafiəsinə yazsın.

Qeyd: mötərizə arasında olan qeydlər mənim öz sözlərimdəndir.

DƏVƏT İMAMLARININ



(Allah onlara rəhmət etsin)

MÜƏYYƏN İNSANA HÜCCƏT ÇATDIRMAQ HAQQINDA SÖZLƏRİ



(İmam əl-Mücəddid Şeyxülislam Məhəmməd ibn Əbdülvahhab ət-Təmimi (Allah ona rəhmət etsin) öz əqidəsini açıqlayarkən demişdir):

  1. "Kiməsə kafir demək məsələsinə gəldikdə mən o kəsə kafir deyirəm ki, o Peyğəmbərin (Ona və ailəsinə Allahın salavatı və salamı olsun) dinini bilsin, bildikdən sonra onu söysün, insanları bu dindən yayındırsın, bu dinə əməl edənlərə qarşı ədavət göstərsin. Bax mən bu insanlara kafir deyirəm. Allaha şükürlər olsun ki, İslam ümmətinin əksəriyyəti belə deyildir"2.

Həmçinin digər bir məqamda demişdir:

  1. "Bu gün baş verən bəzi hallara, Peyğəmbərlərdən, övliyalardan kömək diləmək, öldükdən sonra şəfaət istəmək, qəbirləri üzərində qübbələr tikib, ətrafında şam yandırmaqla təzim etmək, qəbirlər qarşısında namaz qılmaq, ziyarətgaha çevirmək, bu yerlərə qurban və nəzir demək və s. bütün bunlar dinə əlavə edilmiş yeniliklərdir. Artıq Peyğəmbər (Ona və ailəsinə Allahın salavatı və salamı olsun) bunların baş verəcəyi haqda xəbərdarlıq edərək, müsəlmanları bu işlərdən çəkindirmişdir. Belə ki, hədisdə deyilir: "Ümmətimdən bir dəstə insan müşriklərə yetişmədikcə, bütlərə ibadət etmədikcə Qiyamət qopan deyil". Beləliklə Peyğəmbər (Ona və ailəsinə Allahın salavatı və salamı olsun) hər zaman tövhidin aliliyini ən yüksək dərəcədə mühafizə etmiş, şirkə yol açan hər bir səbəbin qarşısını alaraq qəbirlərin ucaldılmasını və üzərində qübbə tikməyi qadağan etmişdir. Belə ki, Müslimin səhih əsərində Cabirdən bu haqda hədis nəql edilmişdir. Həmçinin adı çəkilən kitabda deyilir ki, Peyğəmbər (Ona və ailəsinə Allahın salavatı və salamı olsun) Əli ibn Əbu Talibi (Allah ondan razı olsun) qarşılaşdığı hər bir hündür qəbri yerlə bərabər etməyə göndərmiş və qəbirlərin üzərində həkk edilmiş şəkilləri silməyi ona tapşırmışdı. Elə buna görə də alimlər demişlər ki, qəbirlər üzərində inşa edilən qübbələri mütləq dağıtmaq lazımdır. Çünki bu qübbələr Peyğəmbərin (Ona və ailəsinə Allahın salavatı və salamı olsun) şəriətinə müxalif olaraq inşa edilmişdir. Bax elə bu məsələ bizimlə qarşı tərəf arasında ixtilafa səbəb olmuşdur. İş o yerə gəlib çatıb ki, onlar bizə kafir deyir, bizə qarşı vuruşur, qanımızı və malımızı halal görürlər. Nəhayət, Allah bizi onların üzərində qalib etdi. Bax biz insanları bu əqidəyə dəvət edir, onlara Allahın, rəsulunun və sələf alimlərinin yekdil rəyindən hüccət (tutarlı dəlil və sübutlarla haqqı) çatdırdıqdan sonra Allahın bu ayəsini əsas tutaraq: "(Yer üzündə) fitnə (şirk) qalmayıb, bütün din (ibadət) yalnız Allaha məxsus olanadək onlarla vuruşun..."3 onalarla vuruşuruq. Kim bu dəvəti söz və açıqlama ilə qəbul etmirsə onlara qarşı qılıncla döyüşürük. Belə ki, Allah təala buyurur: "And olsun ki, Biz peyğəmbərlərimizi açıq-aşkar dəlillərlə (möcüzələrlə) göndərdik. Biz onlara birlikdə (Allahın hökmlərini bildirən səmavi) kitab və ədalət tərəzisi (şəriət) nazil etdik ki, insanlar (bir-biri ilə) ədalətlə rəftar etsinlər. Biz həddindən artıq möhkəm olan və insanlara fayda verən dəmiri də icad (nazil) etdik (mədənlərdən çıxartdıq) ki, Allah (Özünü) görmədən Ona (onun dininə) və peyğəmbərlərinə kömək göstərənləri (dəmirdən düzəlmiş silahlarla kafirlərə qarşı vuruşan mücahidləri) bəlli etsin. Həqiqətən, Allah yenilməz qüvvət sahibi, qüdrət sahibidir!4"5.

(Yəmən vilayətinin başçısı Məhəmməd ibn Əbdülvahhaba məktub yazıb onun haqqında eşitdiklərini dəqiqləşdirərkən belə bir məqama toxunur): Mən eşitmişəm ki, sən ümumi olaraq hamıya kafir deyir, əməlisaleh insanları dinləmir, son əsrlərdə yaşayan alimlərin kitablarına əməl etmirsən. Sən mənə bu deyilənlər, öz əqidən və insanları hansı əqidəyə dəvət etməyin haqda doğru məlumat ver ki, sənə qarşı olan sevgimiz və inamımız qalsın.
(Şeyx Yəmən vilayətinin başçısına yazıb bildirir):

  1. "Mənim ümumi şəkildə camaata kafir deməyim haqqında deyilənlər, bu dinin yayılmasının qarşısını almaq istəyən düşmənlərin bir böhtanıdır. "…Aman (Allah)! Bu, çox böyük bir böhtandır!..."6"7.

Digər bir məqamda Şeyx Məhəmməd ibn Əbdülvahhab (Allah ona rəhmət etsin) soruşulur: Hansı əsasa görə insanlara qarşı savaşmaq və müəyyən bir nəfərə kafir demək olar? Cavabında deyir:

  1. " İslamın beş şərtinə (əməl edilməsinə) görə (insanlarla) savaş etmək olar. Bunların ən önəmlisi Şəhadət kəlməsi, daha sonra isə İslamın digər dörd əsasıdır. Əgər kimsə digər dörd əsası iqrar (təsdiq) edib səhlənkarlıq üzündən onları tərk edərsə biz onun bu dörd əsası icra etməsi üçün ona qarşı düyüşsək də, onun bu əməlləri tərk etməsindən dolayı onu kafir saymırıq. Alimlər bu dörd ərkanı inkar etməkdən deyil, tənbəllik üzündən tərk edənin hökmündə ixtilaf etmişlər. Biz yalnız alimlərin ittifaq etdikləri məsələlərə görə kiməsə kafir deyirik. Bu da şəhadət kəlməsidir. Həmçinin biz şəhadət barəsində kiməsə haqqı bəyan etdikdən sonra onu inkar edəni kafir sayırıq.

Bu əsasla deyə bilərik ki, bizim düşmənlərimiz dörd qismdir:

Birinci qism: Bizim dəvət etdiyimiz tövhidin Allahın və Peyğəmbərinin dini olduğunu bilib, bu gün çox insanların etiqadı sayılan ağaclara, daşlara, insanlara sitayiş etməyin Allaha şərik qoşmaq olduğunu təsdiq edib, Allah təalanın öz rəsulunu bu kimi əməlləri qadağan etmək üçün göndərdiyini və hər yerdə Allaha ibadət olunana qədər belə əməl sahiblərinə qarşı döyüşməyi əmr etdiyini dərk edib sonra tövhidə və onu öyrənməyə heç bir məhəl qoymayan, ona riayət etməyən və şirkdən əl çəkməyən kimsə kafirdir və biz onun bu küfrünə görə ona qarşı döyüşürük. Çünki bu insan, Peyğəmbərin dininə və ona riayət edənlərə nifrət etməməsinə, şirki tərifləməməsinə və insanları ona təşviq etməməsinə baxmayaraq, Peyğəmbərin (Ona və ailəsinə Allahın salavatı və salamı olsun) dinini bilib ona itaət etmədiyi, şirkin nə olduğunu bilib ondan əl çəkmədiyi üçün kafirdir.

İkinci qism: Haqqı bilib ona əməl etdiyini iddia etdikdən sonra Peyğəmbərin dinini söyən, Yusifə, Əşqərə, Əbu Əliyə, Kuveyt əhlindən olan Xızıra ibadət edənləri tərifləyən, belələrini şirki tərk edən və Allahı tək tutanlardan üstün sayarsa bu insan birinci qismdən daha pisdir. Bu haqda Allah təala buyurur: "…Bildikləri (peyğəmbər) gəldikdə isə, (paxıllıq edib) ona inanmadılar. Allah kafirlərə lənət eləsin!"8 Belələri haqda Uca Allah buyurur: "Əgər əhd bağladıqdan sonra andlarını pozsalar və dininizi yamanlayıb təhqir etsələr, (sözlərinin üstündə durmayan) küfr başçıları ilə vuruşun. Onların həqiqətdə andları (əhdləri) yoxdur (onlar üçün heç bir andın, əhdin əhəmiyyəti yoxdur). Bəlkə, (bu yaramaz işlərdən) əl çəkələr!"9

Üçüncü qism: Tövhidi bilib, onu sevib və ona əməl edib, həmçinin şirki bilib və ondan uzaq olub, amma tövhidi qəbul edənlərə nifrət edib, şirk içində qalanları xoşlayan insan da kafirdir. Belələri haqqında Allah təalə buyurur: "Bu ona görədir ki, (kafirlər) Allahın nazil etdiyini (Quranı) bəyənmədilər, (Allah da) onların əməllərini puç etdi."10

Dördüncü qism: Bütün deyilənlərdən salamatdır. Lakin ölkəsinin əhalisi tövhid əhlinə qarşı açıq-aşkar ədavət göstərir, şirk edənlərə tabe olur və tövhid əhlinə qarşı döyüşürlər. Belə halda həmin adam ölkəsini tərk etməyin çətin olduğunu üzür gətirib onlarla birlikdə tövhid əhlinə qarşı döyüşür, malı və canı ilə bu işə can atır. Bu insan da kafirdir. Əgər bu adama öz ölkəsində oruc tutmağı qadağan etsələr və çıxış yolu olaraq öz ölkəsini tərk etmək məcburiyyətində qalarsa, o bunu mütləq edər. Həmçinin ona öz ölkəsində atasının arvadı ilə evlənməyi əmr etsələr və çıxış yolu olaraq öz ölkəsini tərk etmək məcburiyyətində qalarsa, o bunu mütləq edər. Belə bir insanın Allah və rəsulunun dinini boğmağa çalışan bir ölkə ilə tövhid əhlinə qarşı canı və malı döyüşməsi yuxarıda deyilən haldan daha acınacaqlıdır. Təbii ki, belə insan da kafirdir. Allah təalə belələri haqqında buyurur: "Siz elə kəslərə də rast gələcəksiniz ki, onlar həm sizdən, həm də öz camaatından arxayın olmaq istərlər. (Sizin yanınızda özlərini müsəlman kimi, qəbilələrinə qayıtdıqda isə kafir kimi aparırlar). Bunlar da hər dəfə fitnə-fəsad törətməyə sövq edildikdə başıaşağı ora atılarlar (cani-dildən bu işə qoşularlar). Əgər onlar sizi tərk edib getməsələr, sülh təklif etməsələr və sizdən əl çəkməsələr, onda onlara harada rast gəlsəniz, tutub öldürün. Biz onların əleyhinə çıxmaq üçün sizə açıq fərman verdik"11. Bax bizim dediklərimiz budur.

Bizə qarşı atılan yalan və böhtanlara gəldikdə isə onlar deyirlər ki, guya biz ümumi şəkildə camaata kafir deyir, (digər ölkələrdə) yaşayıb dinini rahat şəkildə yaşayanların bizim torpaqlara hicrət (köç) etməsini vacib sayır, kiməsə kafir deməyəni kafir sayır, döyüşlərdə iştirak etməyənləri kafir sayırıq və s. bu kimi məlumatlar yalandır, böhtandır. Bu söz-söhbətləri yayanlar bununla insanları Allahın və rəsulunun dinindən yayındırmaq istəyirlər.

Biz, cahilliyi və bixəbər olması12 ucbatından Əbdülqadirin, Əhməd əl-Bədəvinin və bu kimi qəbirlərin üzərində ucaldılan bütlərə ibadət edənlərə kafir demirik. Necə ola bilər ki, bizim torpaqlara hicrət (köç) etməyən, kiməsə kafir deməyən, döyüşlərdə iştirak etməyən Allaha şərik qoşmayan insanlara kafir deyək?! "…Aman (Allah)! Bu, çox böyük bir böhtandır!..."13

Biz əvvəldə dediyimiz o dörd qism insanlara kafir deyirik. Çünki onlar (öz əməlləri ilə) Allaha və rəsuluna qarşı çıxırlar. Özünə diqqət edib, cənnət və cəhənnəm sahibi olan Allahı xatırlayan insanı Allah bağışlasın. Son duamız Məhəmmədə, onun ailəsinə və səhabələrinə Allahın salavatı və salamı olsun deməkdir"14.



(Şeyx Məhəmməd ibn Əbdülvahhab (Allah ona rəhmət etsin) Əhməd ibn Əbdülkərimə göndərdiyi məktubunda deyir):

  1. Şeyxin15 bu sözlərini sənə yalnış çatdırmaqla daha pis iş tutblar. Əgər biz sizin dediyiniz fikirdə olsaydıq o zaman bir çox məşhur insanları fərdi şəkildə kafir sayardıq. Lakin şeyx orada qeyd edir ki, müəyyən insana hüccət (Qurandan, sünnədən və sələfin sözlərindən tutarlı dəlil və sübutlarla haqq) çatdırılmadan kafir deyilmir.

Fərdi insan hüccət çatmamış kafir olmur. Lakin bu o demək deyil ki, o insan Allah və rəsulunun sözlərini Əbu Bəkrin (Allah ondan razı olsun) anladığı kimi başa düşməlidir. Kimə Allah və rəsulunun kəlamı yetişər və o insana üzr yeri qalmasa o kafir sayılar. Elə əvvəllər bütün kafirlərə Quranla hüccət çatırdı16. Bu haqda Allah təala buyurur: "Lakin onu (Quranı) başa düşməsinlər deyə, onların ürəklərinə pərdə çəkdik …"17, "Allah yanında (yer üzündə) gəzən canlıların ən pisi (haqqı) dərk etməyən karlar və lallardır18"19.

(Əbdürrəhman ibn Həsən, hüccətin çatdırılması məsələsində Şeyxülislam Məhəmməd ibn Əbdülvahhabın mənhəcini bəyan edərək deyir):

  1. "Şeyximiz, Şeyxülislam Məhəmməd ibn Əbdülvahhab (Allah ona rəhmət etsin) deyir: (əş-Şərif adlı bir nəfər) məndən insanlara qarşı hansı əsasla döyüşməyimizi və onlara kafir deməyimizi soruşur? Şeyx deyir: Biz yalnız alimlərin yekdilliklə (hansısa əməlin insanı islamdan çıxaran küfr olması haqqında) razılaşdıqları məsələlər əsasında kiməsə kafir deyirik. Alimlərin yekdilliklə (insanı islamdan çıxaran küfr olması haqqında) razılaşdıqları məsələ isə Kəlmeyi Şəhadəti başa düşdükdən sonra onu inkar etməkdir"20.

(Şeyx Məhəmməd ibn Əbdülvahhab (Allah ona rəhmət etsin) Məhəmməd ibn Eydə göndərdiyi məktubunda deyir):

  1. "Bilin ki, mən sizə dörd məsələ haqqında artıq məlumat vermişəm. (Sonra şeyx bu dörd məsələnin üçüncüsündə deyir): Bizim dəvət etdiyimiz tövhidin Allahın və Peyğəmbərinin dini olduğunu bilən, sonra ona nifrət edib insanları ondan uzaqlaşdıran, Peyğəmbərin (Ona və ailəsinə Allahın salavatı və salamı olsun) yoluna tabe olanlara qarşı döyüşən, Allaha şərik qoşmağın mahiyyətini bilən, Allahın öz Peyğəmbərini şirki qadağan etmək üçün göndərdiyini dərk edən, gecə-gündüz bu deyilənlərin haqq olduğunu haray çəkən, daha sonra isə şirki tərifləyib, insanları ona təşviq edib, öz tərəfində olanların çoxluğuna görə onların haqq olduğlarını iddia edən kimsə kafirdir.

Mənim zənnə qapanaraq kiməsə kafir deməyim, məni dost tutmadığına və yaxud hüccət çatmayan kimsəyə kafir deməyim haqda deyilənlər düşmənlərimizin bizə atdıqları böhtanlardır. Bu söz-söhbətləri yayanlar bununla insanları Allahın və rəsulunun dinindən yayındırmaq istəyirlər"21.

(Məhəmməd ibn Eydə göndərdiyi digər bir məktubunda isə deyir):



  1. "Mən Peyğəmbərə (Ona və ailəsinə Allahın salavatı və salamı olsun) olan sədaqətimi izhar etdikdə onlar məni o ki var söydülər, İslam əhlini kafir saydığımı, mallarını halal gördüyümü iddia etdilər. Həmçinin deyirlər ki, Ərəbistan Yarmadasında bir nəfər də olsun kafir yoxdur, ətraf kəndlər dinin əsaslarına zidd olan əməllər edirlər, lakin bu insanlar Peyğəmbərin (Ona və ailəsinə Allahın salavatı və salamı olsun) doğru əqidəsini dərk etdikləri halda onların kafir olduqlarını inkar edirlər. Siz də bilirsiniz ki, kim Peyğəmbərin (Ona və ailəsinə Allahın salavatı və salamı olsun) buyurduqlarını bildikdən sonra inkar edərsə artıq kafir olar. Siz özünüz demişdiniz ki, əgər Muveyyis, İbn İsmail, əl-Udeyli, İbn Abbad və onların ardınca gedənlər bu əqidəyə sahibdirlərsə onlar da kafir, mürtəddirlər"22.

(Şeyx onların kafir, mürtəd olduqlarını demişdir. Çünki onlar artıq dərk edirdilər ki, şeyxin dəvət etdiyi tövhid Allah və rəsulunun dinidir. Onlar bunu iyirmi ildir ki, təsdiq edirlər. Lakin bununla belə tövhid əqidəsinə və bu əqidə sahiblərinə qarşı düşmənçilik göstərir, şirkin şirk olduğunu bildikləri halda ona dəstək olurlar).

(Ona görə də şeyx (Allah ona rəhmət etsin) əvvəldə qeyd edilən sözündən sonra belə deyir):



  1. "İkincisi: Onlar iyirmi ildən çoxdur ki, gecə-gündüz, aşkarda və gizlidə bu insanın (burada şeyx özünü nəzərdə tutur) dəvət etdiyi tövhidin Allah və rəsulunun dini olduğunu təsdiqləyirlər, amma insanlar yenə də bizə tabe olmurlar. Deyirlər ki, bu insan şirki inkar edir və bu inkarında da haqlıdır. Lakin əgər o (bu əqidənin haqq olduğunu dərk etdikdən sonra inkar edənlərə) kafir deməkdən və döyüşməkdən yan keçsəydi doğru iş tutardı. Bax onların camaat qarşısında dedikləri budur. Lakin bununla belə tövhidə və ona meyl edənlərə düşmənçilik edirlər. Sən onların göstərdikləri düşmənçilikdən xəbərdarsan. Kafir deməkdən və döyüşməkdən yan keçsəydi deyirlər. Lakin özləri müşrikin23 nə olduğunu bildikləri halda şirk mahiyyətli əməlləri dəstəkləyirlər"24.

(Şeyx imam Məhəmməd ibn Əbdülvahhab (Allah ona rəhmət etsin) Həməd ət-Tuveyciriyə göndərdiyi məktubunda deyir):

  1. "İbn Əbdülvahhabın adından "Mənim itaətim altına daxil olmayanlar kafirdir" deməklə avam insanlara qarşı işlətdiyi kələk, bir böhtandır. Pak və nöqsansız olan Allah bilir ki, bu ağ yalandır. Qəlbizimdə olanları bilən Allaha şahidlik verirəm ki, kim tövhidə əməl edib, şirkdən və şirk edənlərdən uzaq olarsa, harada olmasından və hansı vaxtda yaşamasından asılı olmayaraq o müsəlmandır. Biz, şirkin batil olması haqqında hüccət çatdırdıqdan sonra yenə də uluhiyyətdə (ibadətdə) Allaha şərik qoşanları kafir sayırıq. Həmçinin insanları şirkə təşviq edənləri, yaxud onun icazəli olmasını isbatlamaq üçün batil şübhələr gətirənləri, öz silahı ilə Allaha şərik qoşulan məbədlərin müdafiəsinə qalxanları, şirki inkar edənlərə qarşı döyüşənləri və tövhidi boğmağa çalışanları kafir sayırıq. Sığınacağımız yalnız Allahadır. Vəssalam!"25.

(Şeyxülislam Məhəmməd ibn Əbdülvahhab yalnız, Allah və rəsulunun dininə düşmənçilik edənləri, insaları bu dindən yayındıranları, eləcə də bütlərə ibadət etməyin müşriklərin dinindən olduğunu bildikdən sonra yenə də bu bütlərə ibadəti davam etdirənləri və başqalarını bu ibadətə təşviq edənləri kafir saydığını qeyd edərək deyir):

  1. "Mənim ümumi şəkildə camaata kafir deməyim haqqında deyilənlər düşmənlərin bir böhtanıdır. Həmçinin onların mənim adımdan, kim Allah və rəsulunun dininə tabe olub öz ölkəsində yaşayır lakin mənim yanıma gəlmirsə onun dini məqbul deyildir, deməsi bir böhtandır. Əsas məqsəd harada olmasından asılı olmayaraq Allahın və rəsulunun dininə itaət etməkdir. Biz, Allah və rəsulunun dinini təsdiq etdikdən sonra ona qarşı ədavət göstərən və insanları ondan yayındıranları, bütlərə ibadət etməyin müşriklərin dinindən olduğunu bildikdən sonra yenə də bu bütlərə ibadəti davam etdirənləri və başqalarını bu ibadətə təşviq edənləri kafir sayıram. Yalnız inadkar və cahillər istisna olmaq şərti ilə, yer üzündə olan hər bir elmli insan belələrini kafir sayır. Allah daha yaxşı biləndir vəssalam!"26.

Şeyx Abdullah ibn şeyx Məhəmməd ibn Əbdülvahhab (Allah ona rəhmət etsin) deyir:

  1. "Haqqı gizlətmək və insanları bizdən yayındırmaq üçün bizim adımızdan yalan uydururlar ki, (bu yerdə bir neçə məqamı sadlayır və sonra deyir:) guya biz, zəmanəmizin insanlarını və altıncı yüzillikdən sonra yaşayıb bizim fikrimizdə olmayanları ümumi mənada kafir sayırıq!"27.

(Daha sonra şeyx öz dediklərinə aydınlıq gətirərək deyir):

Biz vəfat edənlər haqqında deyirik ki, onlar keçib gedən bir ümmət idilər. Biz yalnız haqq dəvətimiz yetişib, həqiqət aydın olandan və hüccət çatandan sonra təkəbbürlülük göstərib, inadkarlıq edən insanları kafir sayırıq. Bizim bu gün döyüşdüyümüz insanları buna məsəl çəkmək olar. Onlar Allaha şərik qoşmağa davam edir, vacib əməlləri yerinə yetirməkdən imtina edir, açıq-aşkar böyük günahlar və haram işlər görürlər...".



(Daha sonra sözünə davam edərək deyir):

"Əgər bizə belə bir sual ünvanlanarsa ki, sənin səhv edib və sonra səhvi özünə deyiləndə onu düzəldənə qarşı olan mövqeyin belədirsə, bəs şəriət dəlillərindən baş çıxaran, müdrik alimlərin sözlərini oxuyub ölənə qədər öz səhvi üzərində qalan insana qarşı mövqeyin necədir?

Biz bu sualın cavabında deyərik: Qeyd edilən insanlar üçün üzrxahlıq etmək olar. Biz onlara kafir demirik. Ona görə yox ki, onlar səhv ediblər və bu səhvlər üzərində israrlı olublar. Onların vaxtında bu məsələni dili və silahı ilə müdafiə edən qarşı tərəf olmadığından, onlara hüccət çatmadığından, həqiqət aydın olmadığından biz onlara kafir demirik... Bax bizim əqidəmiz budur. Biz zorakılıq və təəssübçülükdən xali olan ağıl, elm və insaf sahiblərinə xitab edirik. Sözü deyən adama yox, dediyi sözə baxmaq lazımdır"28.

  1   2   3


Verilənlər bazası müəlliflik hüququ ilə müdafiə olunur ©azrefs.org 2016
rəhbərliyinə müraciət

    Ana səhifə