İxtisas Redaktorları: Mübariz Qarayev Adil Rəcəbov Redaktorlar: Fikrət Allahverdiyev




Yüklə 1.33 Mb.
səhifə1/9
tarix14.03.2016
ölçüsü1.33 Mb.
  1   2   3   4   5   6   7   8   9





حصن المسلم
من أذكار الكتاب و السنة

الفقير إلى الله تعالى


سعيد بن علي بن وهف القحطاني

المترجم – علي خان موساييف البكوي

Tərcüməçi: Əlixan Musayev


İxtisas

Redaktorları: Mübariz Qarayev

Adil Rəcəbov
Redaktorlar: Fikrət Allahverdiyev

Xəyyam Rəfili

Mərhəmətli, Rəhmli Allahın adı ilə!
Müqəddimə
Şübhəsiz ki, həmd Allaha məx­susdur! Biz Ona həmd edir, Onu kö­məyə çağırır, Ondan ba­ğışlanma və bizi doğru yola yönəltməyi dilə­yir, nəfsləri­mizin şərin­dən və pis əməllərimiz­dən qorunmaq üçün yalnız Ona pənah aparı­rıq. Allah kimə hidayət verərsə o, doğru yolda olar, kimi azdırarsa onu doğru yo­la yönəl­dən ta­pıl­­maz. Mən şahidlik edi­rəm ki, Allah­dan başqa ibadətə haqqı olan məbud yoxdur, təkdir, şəri­ki yoxdur və şahid­lik edi­rəm ki, Muhəmməd Onun qulu və el­çisi­dir. Ona, onun ailəsinə, onun əsha­bələrinə və Qiya­mət günü­nə­dək gözəl tərzdə onların ar­dın­ca gedən­lərə Allahın salavatı və çoxlu salamı ol­sun!

Bu, mənim “Quran və Sünnədən götü­rül­müş zikrlər, dualar və ovsunla müa­licə” kita­bımdan ixtisar etdiyim müxtə­sər variantdır. Səfərdə daşınması asan olsun deyə onun “zikr­lər” böl­məsini sax­layıb qalan hissəsini ixtisar etdim.

Mən bu kitabda ancaq zikrlərin mətni­ni yazmış və hər zikrin mənbəsini gös­tərmək üçün orijinalda olan bir və ya iki mənbəni qeyd etməklə kifayətlənmişəm. Hədisi rəva­yət edən əshabənin kim oldu­ğunu öy­rənmək və ya daha çox mənbəni bilmək istəyən kəs orijinala müra­ciət et­sin. Qüd­rət və qüvvət sa­hibi olan Allaha – Onun gözəl adları və uca sifətləri ilə yal­varıram ki, bunu Kəra­mətli Üzü xati­rinə olan xalis əməllərdən etsin, həya­tımda və ölü­müm­dən sonra onunla mə­nə, habelə onu oxu­yan, çap edən və yayıl­ma­sına can atan hər kəsə fayda ver­sin. Şüb­həsiz ki, pak və müqəddəs Allah bunlara hamidir və buna qadirdir. Pey­ğəmbərimiz Muhəmmə­də, onun ailəsi­nə, onun əsha­bələrinə və Qiya­mət gününə­dək gözəl tərz­də onların ardın­ca gedən­lərə Allahın sala­vatı və salamı olsun!

Müəllif.

Hicri 1409-cu il, Səfər ayı.

Zikrin fəziləti
Uca Allah buyurur:
       
«Məni yad edin ki, Mən də sizi yad edim! Mənə şükür edin, Mənə küfr et­məyin».1
        
«Ey iman gətirənlər! Allahı çox-çox zikr edin».2
           
«…Allahı çox zikr edən kişilər və qadınlar üçün Allah bağışlanma və bö­yük mükafat ha­zırlamışdır».3

                 


«Səhər-axşam ürəyində yalvararaq və qorxa­raq, səsi qaldırmadan Rəbbini yad et və qafil­lərdən olma!»1

Peyğəmbər səllallahu aleyhi və səlləm demişdir: «Rəbbini yad edənlə Rəbbini yad et­məyənin misalı diri ilə ölünün misalına bənzəyir».2

Başqa bir rəvayətdə səllallahu aleyhi və səlləm de­mişdir: «Sizə əməllərinizin ən xeyirlisi­ni, Sa­hi­biniz yanında ən təmiz olanı­nı, dərə­cələriniz içində ən yüksəyini, si­zin üçün qızıl-gümüş xərcləməkdən daha xeyir­lisini, düşməninizlə qarşılaşıb onla­rın boyunlarını vurmağınızdan, onların da sizin boyunlarınızı vurmasından daha xeyirlisini sizə bil­d­­i­rimmi?» (Əshabələr) dedilər: «Bəli!» O dedi: «Uca Allahı zikr et­məkdir».1

Peyğəmbər səllallahu aleyhi və səlləm demişdir: «Uca Allah buyurur: «Mən qulumun ba­rəm­də­ki zənni yanındayam. Məni yad et­dikcə onun­la­yam. O Məni öz-özlüyündə yad etsə, Mən də onu Öz-Özlüyümdə yad edərəm. O Məni ca­maatın yanında yad etsə, Mən onu onlardan daha xeyirli camaatın (mələklərin) yanında yad edərəm. O Mə­nə bir qarış yaxınlaşsa, Mən ona bir dir­sək yaxınlaşaram. O Mənə bir dirsək yaxın­laşsa, Mən ona bir qulac yaxınlaşaram. O Mənə doğru yeriyərək gəlsə, Mən ona doğru yüyürərək gələrəm».2

Abdullah ibn Busr Allah ondan razı olsun rəvayət edir ki, bir kişi (Pey­ğəmbərə səllallahu aleyhi və səlləm) dedi: «Ey Allahın elçisi! İslam ayinləri­nin çoxluğu mənə ağır gəlir. Mənə elə bir şey öy­rət ki, ondan bərk-bərk yapı­şım». O dedi: «Çalış ki, dilin daim Alla­hı zikr et­məklə islaq qalsın».1

Peyğəmbər səllallahu aleyhi və səlləm demişdir: «Kim Allahın Kitabından bir hərf oxusa, bu­nunla ona bir savab yazılır. Bu savab isə on sa­vab mislindədir. Mən demirəm «əlif, ləm, mim» bir hərfdir. Əksinə, əlif bir hərf, ləm bir hərf, mim bir hərfdir».2

Uqbə ibn Amir Allah ondan razı olsun demişdir: «Biz Süf­fədə3 olarkən Pey­ğəmbər səllallahu aleyhi və səlləm gəlib dedi: «Hansınız hər səhər Büthan yaxud əl-Əqiq vadisinə gedib günah işlə­mədən və qohumluq əlaqələ­rini kəsmədən oradan hör­güclü iki maya dəvə gətirmək istəyir». Biz dedik «Ey Allahın elçisi! Biz bunu istəyirik». O de­di: «Sizlərdən biri səhər məscidə gedib qüdrət və qüvvət sahibi olan Allahın Kita­bın­dan iki ayə öyrənərsə yaxud (onları) oxuyarsa, bu onun üçün iki dəvədən daha xeyirli olar. Üç (ayə) onun üçün üç (dəvədən), dörd (ayə) onun üçün dörd (dəvədən) daha xeyirli olar. (Öyrə­nilən və oxunu­lan) ayə­lərin sayı nə qədərdirsə, o qədər də dəvə­lərdən daha xeyirli­dir».1

Peyğəmbər səllallahu aleyhi və səlləm demişdir: «Kim oturduğu (hər han­sı) bir yerdə Alla­hı yad etməsə, (Axirətdə) Allah onu peş­mançılığa məruz qoyar. Kim uzan­dığı (hər hansı) bir ya­taqda Allahı yad etməsə, (Axirətdə) Allah onu peşman­çılığa məruz qoyar».2

Peyğəmbər səllallahu aleyhi və səlləm demişdir: «Hər hansı bir məclisdə oturub, orada Allahı yad etməyən və öz peyğəm­bərinə salavat gətir­məyən bir camaat (Qiya­mət gü­nü) mütləq peş­mançılığa məruz qalar. Sonra Allah istəsə on­lara əzab ve­rər, istəsə on­ları bağışlayar».1

Peyğəmbər səllallahu aleyhi və səlləm demişdir: «O camaat ki, məclisdən Allahı zikr et­məmiş qal­xırlar, onlar uzunqulaq leşi üzə­rindən qalxmış kimidirlər. Buna görə onlar peş­man olacaq­lar».2



(1) Yuxudan oyanarkən edilən zikrlər
1 - (( الْحَمْدُ للهِ الَّذِي أَحْـيَانَا بَعْدَ مَا أَمَاتَنَا وَإِلَيْهِ النُّشُورُ ))
1. [Əlhəmdulilləhil-ləzi əhyanə bə'də mə əmatənə və ileyhin-nuşur.]
1. «Bizi öldürdükdən sonra dirildən Allaha həmd olsun. (Ölüb dirildikdən sonra isə) qayı­dış Onadır».1
2 - (( لاَ إِلَهَ إِلاَّ اللهُ وَحْدَهُ لاَ شـَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، سُبْحَانَ اللهِ، وَالْحَمْدُ للهِ، وَلاَ إِلَهَ إِلاَّ اللهُ، وَاللهُ أَكْبَرُ، وَلاَ حَوْلَ وَلاَ قُوَّةَ إِلاَّ بِاللهِ الْعَلِيِّ الْعَظِيمِ، رَبِّ اغْفِرْ لِي ))
2. [Lə ilahə illəllahu vəhdahu lə şərikə ləhu, ləhul-mulku və ləhul-həmdu və huvə alə kulli şeyin qadir, subhanallahi, vəl­həmdulilləhi, və lə ilahə illallahu, vəllahu Əkbər, və lə həulə və lə quvvətə illə billəhil-aliyyil-azim, rabbiğfir liy]
2. «Allahdan başqa məbud yoxdur, O təkdir, Onun şəri­ki yoxdur. Mülk Onundur və həmd Onadır! O hər şeyə Qadirdir. Allah pak və mü­qəddəsdir. Həmd Allahadır. Allahdan başqa məbud yoxdur. Allah ən Böyükdür. Qüdrət və güc yalnız Uca və Böyük Allahdadir! Ey Rəbbim məni bağış­la!»1
3 - (( الْحَمْدُ للهِ الَّذِي عَافَانِي فِي جَسَدِي، وَرَدَّ عَلَيَّ رُوحِي، وَأَذِنَ لِي بِذِكْرِهِ ))
3. [Əlhəmdulilləhil-ləzi afəniy fi cəsə­diy, və raddə aleyyə ruhiy, və əzinə liy bizikrihi]

3. «Bədənimə salamatlıq verən, ruhumu mə­nə qaytaran və mənə Onu yad etməyə izin ve­rən Allaha həmd olsun!»2


4 -                                                                                                                                                                                                               
4. «Həqiqətən, göylərin və yerin yaradıl­ma­sında, gecə ilə gün­düzün bir-birini əvəz etmə­sində ağıl sahibləri üçün dəlillər vardır. O kəs­lər ki, ayaq üstə olanda da, oturanda da, uza­nanda da Allahı yad edir, göylərin və yerin ya­ra­­dılması haqqında düşünür­lər (və deyirlər): «Ey Rəbbi­miz! Sən bunları əbəs yerə yarat­ma­mısan. Sən pak və müqəddəssən. Bizi Odun əzabından qoru! Ey Rəbbimiz! Sən Oda daxil etdiyin kəsi əlbəttə, rüsvay edərsən. Za­lımların köməkçiləri olmaz. Ey Rəbbimiz! Həqiqətən, biz: «Rəbbinizə iman gətirin!» – deyə imana çağıran bir kimsənin çağırışını eşidib iman gə­tirdik. Ey Rəbbimiz! Günahlarımızı bizə ba­ğış­la, təqsirlərimizdən keç və canı­mızı itaətkarlar­la (möminlərlə) bir yerdə al! Ey Rəbbi­miz! Öz elçilərinin vasitəsi ilə bizə vəd etdiklərini ver və qiyamət günü bizi rüsvay etmə! Şübhəsiz ki, Sən vədə xilaf çıxmırsan!» Onların Rəbbi onlara cavab verdi: «Mən, sizlərdən – istər ki­şi, istərsə də qadın olsun – heç bir iş görənin əməyini puç etmə­rəm. Siz bir-birinizdən­siniz (dində kişi və qadın eynidir). Hicrət edənlərin, öz yurdlarından çıxarılanların, Mənim yolum­da əziy­yətə düçar olanların, vuruşanların və öl­dürü­lənlərin əlbəttə təq­sirlərindən keçəcək və on­ları (ağacları) altından çay­lar axan cən­nət­lərə daxil edəcəyəm. (Bu, onlar üçün) Allah­dan bir mükafatdır. Gözəl mükafat yalnız Allah yanındadır». Qoy kafirlərin diyarbədiyar gəzib-dolaşması səni aldat­masın! Bu, az (ya­xud keçici) bir zövqdür. Sonra isə on­ların məs­kəni Cəhənnəmdir. Ora nə pis yataqdır! Lakin öz Rəbbindən qorxanlar üçün [ağacları] altın­dan çay­lar axan cən­nətlər vardır ki, onlar orada əbə­di qalacaqlar. (Bu, onlar üçün) Allahdan bir ziyafətdir. Allah yanında olan (nemət­lər) ita­ət­karlar (möminlər) üçün daha xeyirli­dir. Həqi­qətən, Kitab əhlindən elələri də vardır ki, Allaha müti olaraq həm Allaha, həm sizə nazil edi­lənə, həm də özlərinə nazil edilənə inanır, Allahın ayələrini ucuz qiymətə satmırlar. On­la­rın öz Rəbbi yanında mükafatları vardır. Şübhəsiz ki, Allah tez haqq-hesab çəkəndir. Ey iman gətirənlər! Səbir edin, dözümlü ölün, (sər­­həd boyu) növbə ilə keşik çəkin və Allah­dan qorxun ki, bəlkə nicat tapası­nız!» (Ali-İmran, 190-200)1
(2) Paltar geyinərkən edilən dua
5 - (( الْحَمْدُ للهِ الَّذِي كَسَانِي هَذَا ( الثَّوْبَ ) وَرَزَقَنِيهِ مِنْ غَيْرِ حَوْلٍ مِنِّي وَلاَ قُوَّةٍ ))
5. [Əlhəmdulilləhil-ləzi kəsaniy həzə (əs-səubə) və razəqaniyhi min ğayri haulin minniy və lə quvvətin]
5. «Bunu (bu paltarı) mənə geyindirən və özüm heç bir qüdrət və güc sərf etmədən onu mənə bəxş edən Allaha həmd olsun!»2
(3) Təzə paltar geyinərkən edilən dua
6 - (( اللَّهُمَّ لَكَ الْحَمْدُ أَنْتَ كَسَوْتَنِيهِ، أَسْأَلُكَ مِنْ خَيْرِهِ وَخَيْرِ مَا صُـنِعَ لَهُ، وَأَعُوذُ بِكَ مِنْ شِرِّهِ وَشَرِّ مَا صُنِعَ لَهُ ))

6. [Allahummə, ləkəl-həmdu əntə kə­səutəniyhi, əs'əlukə min xayrihi və xayri mə sunia ləhu və əuzu bikə min şərrihi və şərri mə sunia ləhu]


6. «Allahım, Həmd Sənədir! Bunu mənə Sən geyindirdin. Onun xeyrini və onun istifadə­si­nin xeyrini Səndən dilə­yirik! Onun şərindən və onun istifadəsinin şərindən Sənə sığınırıq!»1
(4) Təzə paltar geyinən üçün edilən dua
7 - (( تُبْلِي وَيُخْلِفُ اللهُ تَعَالىَ ))
7. [Tubliy və yuxlifullahu təalə]
7. «(Bunu) köhnəldəsən, Uca Allah da yeni­sini versin!»2
8 - (( اِلْبِسْ جَدِيدًا، وَعِشْ حَمِيدًا، وَمُتْ شَهِيدًا ))

8. [İlbis cədiydən, və iş həmiydən, və mut şəhiydən]


8. «Təzə geyinəsən, həmd edərək yaşayasan və şəhid ola­raq öləsən!»1
(5) Paltarı soyunarkən nə deyilir
9 - (( بِسْمِ اللهِ ))
9. [Bismilləh]
9. «Allahın adı ilə!»2
(6) Ayaqyoluna girərkən edilən dua
10 - (( [بِسْمِ اللهِ] اللَّهُمَّ إِنِّي أَعُوذُ بِكَ مِنَ الْخُبْثِ وَالْخَبَائِثِ ))
10. [Bismilləh] [Allahummə inniy əuzu bikə minəl-xubsi vəl-xəbais]

10. «(Allahın adı ilə!) Allahım, pislikdən və pis əməllərdən (erkək və dişi cinlərdən) Sənə sığınıram!»1


(7) Ayaqyolundan çıxarkən edilən dua
11 - (( غُفْرَانَكَ ))
11. [Ğufranəkə]
11. «(Allahım!) Məni bağışla!»2
(8) Dəstəmazdan əvvəl edilən zikr
12 - (( بِسْمِ اللهِ ))
12. [Bismilləh]
12. «Allahın adı ilə!»1

(9) Dəstəmazdan sonra edilən zikr
13 - (( أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّدًا عَـبْدُهُ وَرَسُولُهُ..))
13. [Əşhədu ən lə ilahə illəllahu vəhdəhu lə şərikə ləhu və əşhədu ənnə Muhəmmədən abduhu və Rasuluhu]
13. «Mən şahidlik edirəm ki, Allahdan başqa məbud yox­dur, O təkdir, Onun şəri­ki yoxdur və şahid­lik edirəm ki, Muhəm­məd Onun qulu və elçisi­dir!»1
14 - (( اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ ))
14. [Allahumməc'alni minət-təvvabiynə vəc'alniy minəl-mutətahhiriyn]
14. «Allahım! Məni tövbə edənlərdən et! Və məni təmiz­lənənlərdən et!»2
15 - (( سُبْحَانَكَ اللَّهُمَّ وَبِحَمْدِكَ، أَشْهَدُ أَنْ لاَ إِلَهَ إِلاَّ أَنْتَ، أَسْتَغْفِرُكَ وَأَتـُوبُ إِلَيْكَ ))
15. [Subhanəkəllahummə və bihəmdik, əşhədu ən lə ilahə illə əntə, əstəğfirukə və ətubu ileyk]
15. «Allahım, Sən pak və müqəddəssən! Sənə həmd olsun. Şahidlik edirəm ki, Səndən başqa məbud yox­dur. Səndən bağışlanma diləyir, Sənə tövbə edirəm».1
(10) Evdən çıxarkən edilən zikr
16 - (( بِسْمِ اللهِ، تَوَكَّلْتُ عَلَى اللهِ، وَلاَحَوْلَ وَلاَ قُوَّةَ إِلاَّ بِاللهِ ))
16. [Bismilləh, təvəkkəltu aləllahi və lə həulə və lə quvvətə illə billəh]
16. «Allahın adı ilə! Allaha təvəkkül etdim. Qüdrət və güc yalnız Allahdadir!»2
17 - (( اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ، أَوْ أَزِلَّ أَوْ أُزَلَّ، أَوْ أَظْلِمَ أَوْ أُظْلَمَ، أَوْ أَجْهَلَ أَوْ يُجْهَلَ عَلَيَّ ))
17. [Allahummə inniy əuzu bikə ən ədıllə, əu udallə, əu əzillə, əu uzəllə, əu əzlimə, əu uzləmə, əu əchələ, əu yuchələ aleyyə]
17. «Allahım! Doğru yoldan azmaqdan və ya azdırılmaq­dan, çaşmaqdan və ya çaşdırılmaq­dan, zülm etməkdən və ya zülmə məruz qal­maq­dan, cahil olmaqdan və ya mənə qarşı ca­hillik edilməsindən Sənə sığınıram».1

(11) Evə girərkən edilən zikr
18 - (( بِسْمِ اللهِ وَلَجْنَا، وَبِسْمِ اللهِ خَرَجْنَا، وَعَلَى رَبِّنَا تَوَكَّلْـنَا ))
18. [Bismilləhi vələcnə və bismilləhi xaracnə və alə Rabbinə təvəkkəlnə]
18. «Allahın adı ilə girdik, Allahın adı ilə çıxdıq və Rəb­bimizə təvəkkül etdik!»1 (Bu zikri etdikdən) sonra ailəsinə salam versin.
(12) Məscidə gedərkən edilən dua
19 - (( اللَّهُمَّ اجْعَلْ فِي قَلْبِي نُورًا، وَفِي لِسَانِي نُورًا، وَفِي سَمْعِي نُورًا، وَفِي بَصَرِي نُورًا، وَمِنْ فَوْقِي نُورًا، وَمِنْ تَحْتِي نُورًا، وَعَِنْ يَمِينِي نُورًا، وَعَِنْ شِمَالِي نُورًا، وَمِنْ أَمَامِي نُورًا، وَمِنْ خَلْفِي نُورًا، وَاجْعَلْ فِي نَفْسِي نُورًا، وَأَعْظِمْ لِي نُورًا، وَعَظِّمْ لِي نُورًا، وَاجْعَلْ لِي نُورًا، وَاجْعَلْنِي نُورًا، اللَّهُمَّ أَعْطِنِِي نُورًا، وَاجْعَلْ فِي عَصَبِي نُورًا، وَفِي لَحْمِي نُورًا، وَفِي دَمِي نُورًا، وَفِي شَعْرِي نُورًا، وَفِي بَشَرِي نُورًا،)) [اللَّهُمَّ اجْعَلْ لِي نُورًا فِي قَبْرِي.. وَ نُورًا فِي عِظَامِي] [وَزِدْنِي نُورًا، وَزِدْنِي نُورًا، وَزِدْنِي نُورًا،] [وَهَبْ لِي نُورًا عَلَى نُورٍ ]
19. [Allahumməc'al fi qalbiy nuran və fi lisəniy nuran və fi səm'iy nuran və fi basariy nuran və min fovqiy nuran və min təhtiy nuran və an yəmiyniy nuran və an şimaliy nuran və min əmamiy nuran və min xəlfiy nuran, vəc'al fi nəfsiy nuran və a'zim liy nuran və azzım liy nuran, vəc'al liy nuran, vəc'alniy nuran. Allahummə ə'tıniy nuran, vəc'al fi asəbiy nuran və fi ləhmiy nuran və fi dəmiy nuran və fi şə'riy nuran və fi bəşəriy nuran] [«Allahumməc'al liy nuran fi qabriy.. və nuran fi ızamiy»] [«və zidniy nuran, və zidniy nuran, və zidniy nuran»] [«və həb liy nuran alə nurin»]
19. «Allahım! Qəlbimə və dilimə nur saç! Qulağıma və gözümə nur saç! Başımın üs­tün­dən və ayağımın altından nur saç! Sağımdan və solumdan nur saç! Önümə və arxama nur saç! Nəfsimi nurlandır! Mənim üçün böyük bir nur və uca bir nur saç! Mənim üçün nur et və məni nurlu et! Allahım mənə nur bəxş et! Si­nirimi nurlu et! Ətimi və qanımı nurlu et! Saçı­mı və dərimi nurlu et!»1 [«Allahım! Qəbrimə nur saç! Sümüyümü nurlandır!»]2 [«Nurumu artır, nurumu artır, nurumu artır!»]3 [«Mənə nur üzərindən nur bəxş et!»]4

(13) Məscidə girərkən edilən dua
20 - (( أَعُوذُ بِاللهِ الْعَظِيمِ، وَبِوَجْهِهِ الْكَرِيمِ، وَسُلْطَانِهِ الْقَدِيمِ، مِنَ الشَّيْطَانِ الرَّجِيمِ [بِسْمِ اللهِ، وَالصَّلاَةُ] [وَالسَّلاَمُ عَلَى رَسُولِ اللهِ] اللَّهُمَّ افْـتَحْ لِي أَبْوَابَ رَحْمَتِكَ ))
20. [Əuzu billəhil-azim və bivəchihil-kərim və sultanihil-qadim minəş-şeytanir-racim [Bismilləh, vəs-səlatu] [vəs-səlamu alə Rasulilləh] Allahumməftəh liy əbvabə rahmətikə]
20. «Daşqalaq olunmuş [Allahın rəhmətin­dən qo­vulmuş, lənətə gəlmiş] şeytandan Böyük Allaha, Onun kəramətli Üzünə və əzəli hökmünə pənah aparıram. 1 [Allahın adı ilə! Salavat]2 [və salam olsun Allahın elçisinə!] 3 [Alla­hım! Öz mərhəmət qapılarını mənim üçün aç!]»1
(14) Məsciddən çıxarkən edilən dua
21 - (( بِسْمِ اللهِ وَالصَّلاَةُ وَالسَّلاَمُ عَلَى رَسُولِ اللهِ، اللَّهُمَّ إِنِّي أَسْأَلُكَ مِنْ فَضْلِكَ، اللَّهُمَّ اعْصِمْنِي مِنَ الشَّيْطَانِ الرَّجِيمِ ))
21. [Bismilləh, vəs-səlatu vəs-səlamu alə Rasulilləh. Allahummə inniy əs'əlukə min fadlıkə. Allahummə'sımniy minəş-şeytanir-racim]
21. «Allahın adı ilə! Salavat və salam olsun Allahın elçisi­nə! Allahım! Sənin lütfündən di­ləyirəm. Allahım! Məni daşqalaq olunmuş [rəhmətindən qo­vulmuş, lənətə gəl­miş] şey­tan­dan qoru!»2
(15) Azan zikrləri
22. (Azan eşidildik­də) müəzzinin dedikləri təkrar olunma­lıdır. Yalnız:
(( حَيَّ علَى الصَّلاَةِ حَيَّ عَلَى الْفَلاَحِ ))
[Hayyə aləs-saləh! Hayyə aləl-fələh]
«Namaza tələsin!», «Nicat tapmağa tələsin!» ifadələri­nin hər biri:

(( لاَ حَوْلَ وَلاَ قُوَّةَ إِلاَّ بِاللهِ ))
[Lə həulə və lə quvvətə illə billəh]
«Qüdrət və güc yalnız Allahdadir!» ifadəsi ilə əvəz edilməlidir.1

23 - (( وَأَنَا أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيكَ لَهُ وَ أَشْهَدُ أَنَّ مُحَمَّدًا عَبْدُهُ وَرَسُولُهُ، رَضِيتُ بِاللهِ رَبًّا، وَ بِمُحَمَّدٍ رَسُولاً، وَبِاْلإِسْلاَمِ دِينًا ))
23. [Və ənə əşhədu ən lə ilahə illəllahu vəhdəhu lə şərikə ləhu və əşhədu ənnə Muhəmmədən abduhu və Rasuluhu. Radiytu billəhi Rabbən, və bi Muhəmmə­din rasulən, və bil-isləmi diynən]
23. «Mən də şahidlik edirəm ki, Allahdan baş­qa məbud yoxdur, O təkdir, Onun şəri­ki yox­dur və şahid­lik edirəm ki, Muhəmməd Onun qulu və elçisi­dir. Allahın Rəbb, Muhəm­mədin elçi və İslamın din olduğundan razı­yam!»1 (Bu, müəzzi­nin şəhadət gətirməyinin ardınca deyilir.2)
24. Azanı eşidib müəzzinin dediklərini axıra qədər təkrar edən şəxs söylədiklərini bitirdik­dən sonra Peyğəmbərə səllallahu aleyhi və səlləm sala­vat gətirməlidir.3
25. Sonra da bu duanı oxumalıdır:
25 - (( اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلاَةِ الْقَائِمَةِ، آتِ مُحَمَّدًا الْوَسِيلَةَ وَالْفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ [إِنَّكَ لاَ تُخْلِفُ الْمِيعَادَ]))
25. [Allahummə Rabbə həzihid-də'vətit-təmmə vəs-səlatil qaimə əti Muhəmmədən əl-vasıylətə vəl-fadıylətə, vəb'ashu məqa­mən məhmudənilləzi va'adtəhu] [İnnəkə lə tuxliful-miyad]
«Bu tam dəvətin və qılınacaq namazın Rəbbi olan Allahım! Muhəmmədə vasitəçilik haqqı və fəzilət ver. Onu vəd etdiyin təriflənən mə­qama çatdır. [Həqiqətən, Sən vədə xilaf çıx­mırsan!]»1
26. Azan və iqamə arasında özü üçün dua edir. Çünki bu vaxt edilən dua cavabsız qal­mır.2
(16) [Namaza başlayarkən birinci təkbirdən3 sonra edilən] açılıış duası
27 - (( اللَّهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ اْلأَبْـيَضُ مِنَ الدَّنَسِ، اللَّهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالْبَرَدِ ))
27. [Allahummə bəid bəyniy və bəynə xata­yayə kəmə bə'adtə bəynəl-məşriqi vəl-məğribi, Allahummə nəqqiniy min xata­yayə kəmə yunəqqas-səubul-əbyədu min­əd-dənəsi. Allahumməğsilniy min xataya­yə bis-səlci vəl-məi vəl-bəradi]
27. «Allahım! Məğriblə məşriqin arasını uzaqlaşdırdığın kimi məni də günahlarımdan uzaqlaşdır! Allahım! Ağ paltar kirdən təmiz­ləndiyi kimi məni də günahlarımdan təmizlə! Allahım! Mənim günahlarımı qar, su və dolu ilə yu!»1
28 - (( سُبْحَانَكَ اللَّهُمَّ وَبِحَمْدِكَ، وَتَبَارَكَ اسْمُكَ، وَتَعَالَى جَدُّكَ، وَلاَ إِلَهَ غَيْرُكَ ))
28. [Subhanəkə Allahummə və bihəmdi­kə və təbarəkəs-mukə və təalə cəddukə və lə ilahə ğayrukə]
28. «Allahım! Sən pak və müqəddəssən. Sənə həmd olsun. Sənin adın mübarək, əzəmə­tin ucadır. Səndən başqa məbud yoxdur!»1
  1   2   3   4   5   6   7   8   9


Verilənlər bazası müəlliflik hüququ ilə müdafiə olunur ©azrefs.org 2016
rəhbərliyinə müraciət

    Ana səhifə