Dizayner: Nazim Mir-Ağayev Kompüter tərtibatçısı: Günay Həsənova




Yüklə 1.65 Mb.
səhifə1/17
tarix27.04.2016
ölçüsü1.65 Mb.
  1   2   3   4   5   6   7   8   9   ...   17
Dizayner: Nazim Mir-Ağayev

Kompüter tərtibatçısı: Günay Həsənova
Yığılmağa verilib: 23.12.04, Çapa imzalanıb 10.01.05, Çap növbəsi: birinci. Kağız formatı: 60x84 1/32 Şərti çap vərəqi: 5.375
Kitab “Qələm” Nəşriyyatının mətbəəsində hazır deopozitivlərdən, çap olunmuşdur.

Ünvan: H.Hacıyev küç. 1. tel: 497-76-10
Kitabın çap və s. hüquqları qorunur.
(Məşhəd, Qum, Şah Əbdül-Əzim, Cəmkəran)
BAKI-2005
Iran Islam Respublikasının Mədəniyyət Mərkəzi, «Ziyarətnamələr». Bakı, «Qələm» - 2005, 172 səh.
Hazırlayan: Mir Cəfər Eyyubzadə

Redaktor: Dürdanə Cəfəri

Məsləhətçi: Məhəmməd Baqir Saivər

Kitabda müqəddəs ziyarətgahlara və məkanlara səfər və ziyarət etməyin hökmləri, ziyarətin fəlsəfəsi və irfani əhəmiyyəti, ziyarət və səfərin şəri hökmləri, «Məşhəd ziyarəti», «Məşhədin tarixi», «Imam Riza(ə) həyatı, əxlaqi xüsusiyyətləri, kəramətləri», «Imam Riza(ə) haqqında hədislər», «Qum ziyarəti», «Həzrət Məsumənin (ə) həyatına qısa bir baxış», «Qum ziyarətinin fəziləti və kəramətləri», «Rey ziyarəti», «Həzrət Əbdüləzimin (ə) ziyarətnaməsi» və s. mövzularda geniş və maraqlı, materiallar dərc olunmuşdur.


© «Iran Islam Respublikasının Mədəniyyət Mərkəzi »-2005
Bismillahir-Rəhmanir-Rəhim

Allah-taala cənab Cəbrail vasitəsilə sonuncu Peyğəmbər həzrət Mühəmmədə (s) «(Ya Peyğəmbər!) De: «Mən sizdən bunun (risaləti təbliğ etməyimin) müqabilində qohumlara (Əhli-beytə) məhəbbətdən başqa bir şey istəmirəm»» ayəsini nazil etdikdən sonra qəlbi pak insanlar başa düşdülər ki, Peyğəmbərə və nəticədə Allaha yaxın olmağın yeganə yolu o həzrətin Əhli-beytinə sevgidir və bunun da xeyri yalnız insanların özünədir. Qurani-Kərim də bunu təsdiqləməkdədir: «De: «Mən (bunun- Əhli-beytimə məhəbbətin müqabilində) sizdən istədiyim şey sizin öz xeyrinizədir.»» Buna görə də Peyğəmbər (s) bu dünyadan köçərkən ümməti arasında iki dəyərli əmanət-Allahın kitabı və öz Əhli- beytini qoyaraq buyurdu ki, bu iki əmanətin ardınca getsəniz, səadətə qovuşar, əks təqdirdə yolunuzu azarsınız.1 Digər bir hədisdə isə o həzrət buyurmuşdur: «Mənim Əhli-beytim ümmətim arasında Nuhun gəmisinə bənzəyir. Bu gəmiyə minən nicat tapar, ona minməyən isə həlak olar». Bundan sonra pak qəlbli möminlər Peyğəmbər Əhli-beytinə məhəbbət bəsləyib «Ona (Allaha – Onun rəhmətinə və lütfünə qovuşmaq üçün) vəsilə (yol) axtarın» ayəsinə müvafiq olaraq bütün ömrü boyu, hətta ölümdən sonra da qəlbən onlara bağlandılar və öz arzu-istəklərinin, hacətlərinin qəbul olunması üçün onları vasitə qərar verməyə başladılar. Çünki onlar Allahın sevimli bəndələridirlər və duaları, şəfaətləri Allah dərgahında qəbul olur. Onlar Quran təfsirçiləridirlər və Quranın sirlərini onlardan öyrənmək lazımdır. Onlar Ilahi hökmləri açıqlayanlardırlar, hökmlərin düzgününü onlar bilir. Onlar pak nurlardırlar, həqiqət nurunu məhz onlarda müşahidə etmək lazımdır. Bir sözlə, onlar o şəxslərdirlər ki, dünya və axirət səadətini yalnız onların məhəbbətiylə qazanmaq olar.

Uzun əsrlərdən bəri qəlbində Peyğəmbər ailəsinə məhəbbət bəsləyən Azərbaycan xalqı həmişə, yaşadığı yerdən asılı olmayaraq Əhli-beytin ziyarətinə tələsmiş, hərəmləri ətrafına pərvanə tək fırlanmışdır. Bununla

əlaqədar olaraq Iran Islam Respublikasının Bakıdakı Mədəniyyət Mərkəzi göstərdiyi dini-mədəni xidmətlər sırasında müqəddəs ziyarətgahları ziyarətə gedən azərbaycanlı bacı-qardaşlar üçün «ziyarətnamə» hazırlamışdır. Ümid edirik ki, bu kiçik xidmət Əhli-beyt və Əhli-beytsevərlər tərəfindən rəğbətlə qarşılanacaq.

Əlinizdə olan bu kitabça imamət aləminin səkkizinci parlaq günəşi Imam Əli ibn Musa ər- Rzanın qısaca həyatını, o həzrəti ziyarət etməyin fəzilətini, ziyarətin hökmləri və ziyarətnaməsini ehtiva edir. Ulu tanrıdan Islam və müsəlmanlara daha artıq xidmət göstərməyimizə yardımçı olmasını diləyirik.

Iran Islam Respublikasının Bakıdakı səfirliyinin Mədəniyyət Mərkəzinin sədri Seyyid Əliəkbər Ocaq Nəjad
MÜQƏDDIMƏ
Allah-Təala öz hikmət və mərhəmətilə vəhy əmanətdarına, peyğəmbərlərin sonuncusu Muhəmməd Mustəfanın (s) pak, nurani qəlbinə

قُل لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى

"De: Mən [Peyğəmbər] sizdən bunun (risalətimin) müqabilində qohum-əqrabama qarşı məhəbbətdən başqa heç bir şey istəmirəm"2 kəlamını vəhy etdikdə qəlbi pak möminlər bunu başa düşdülər ki, Allahın Rəsuluna (s) və dərgahına yaxın olmağın yeganə yolu sonuncu Peyğəmbərinin (s) xanədanına əməldə və qəlbdə məhəbbət bəsləməkdir. Bu məhəbbətin nəticəsi möminlərin xeyrinədir və onların xoşbəxtliklərini təmin edir.

Islam Peyğəmbəri (s) Allahın əmri ilə açıq-aşkar belə buyurmuşdur:

قُلْ مَا سَأَلْتُكُم مِّنْ أَجْرٍ فَهُوَ لَكُمْ

"Sizdən istədiyim əcr (əhli-beyt məhəbbəti) sizin özünüz üçündür, öz xeyrinizədir"3

Odur ki, Peyğəmbəri-Əkrəm (s) dünyadan köçərkən ümmət arasında iki böyük qiymətli əmanət – Allahın kitabını və öz itrətini qoyub getmiş və "Bu iki əmanətin ətəyindən yapışsanız, nicat tapar, əks-təqdirdə isə həlak olarsınız" – deyə buyurmuşdur4.

‎‎إنما مَثلَ اهل بيتي فيكم كمثل سفينة نوح من ركبها نجا و من نخلف عنها هلك

"Mənim əhli-beytim Nuhun gəmisinə bənzəyir, hər kim ona süvar olsa, nicat tapar, hər kim ondan ayrılsa, həlak olar."5

Odur ki, Peyğəmbərin (s) əhli-beytinə eşq bəsləyən möminlər



وَابْتَغُواْ إِلَيهِ الْوَسِيلَةَ

"Onun (Allahın) dərgahına (yaxın olmaq üçün dərgaha yaxın olanlardan və saleh əməllərdən) özünüzə vəsilə tutun"6 – ayəsinə əsaslanaraq əhli-beytin pak vücudunun şamı ətrafında pərvanə kimi fırlanır, dərdlərinin şəfası və arzularının həyata keçməsini onların vasitəsilə Allahdan diləyirlər. Əhli-beyt Allah dərgahına ən yaxın bəndələr olduğu üçün duaları müstəcab və şəfaətləri qəbuldur. Onlar Quranın təfsirçiləridir, ayələrin izah və şərhini onlardan soruşmaq lazımdır.

Onlar ilahi hökmləri bəyan edənlərdirlər, hökmlərin düzlüyünü onlardan soruşmaq lazımdır. Onlar pak-pakizə nurlardırlar. Onlar həqiqət nurudur və həqiqət nurunu onlarla birlikdə olanlar dərk edər. Nəhayət, onlar elə şəxslərdir ki, dünya və axirət xoşbəxtliyini onların vilayətində aramaq lazımdır.

Azərbaycan Respublikasının müsəlman xalqı keçmiş əsrlərdən bəri ismət və təharət xanədanının vilayətinə könül verərək məhəbbət bəsləmişlər. Hər zaman onların ziyarətinə tələsib, mübarək hərəmlərinə qədəm qoymuşlar. Vəliyyi-fəqihin Azərbaycan Respublikasında olan nümayəndəsi Azərbaycanın əhli-beytə məhəbbət bəsləyən xalqına dini və mədəni xidmət məqsədilə ziyarətgahların zəvvarları üçün yol azuqəsi hazırlamaq niyyətindədir.

Ümid edirik ki, bu kiçik xidmət vilayət sahibləri tərəfindən qəbul edilib istifadə olunacaqdır. Möhtərəm oxucuların ixtiyarına təqdim olunan bu kitab səkkizinci imam Əli ibn Musa ər-Riza (ə), Həzrət Məsumə (ə) və Həzrət Əbdüləzimin ziyarətlərinin hikmətlərindən, fəzilətlərindən və ziyarətnaməsindən ibarətdir. Allah-Təaladan diləyirik ki, Islama, müsəlmanlara daha çox xidmət etmək şərəfini bizlərə nəsib etsin.

  1   2   3   4   5   6   7   8   9   ...   17


Verilənlər bazası müəlliflik hüququ ilə müdafiə olunur ©azrefs.org 2016
rəhbərliyinə müraciət

    Ana səhifə