Bebé Foin Moris & Asu Familia nian




Yüklə 20.94 Kb.
tarix20.04.2016
ölçüsü20.94 Kb.
Bebé Foin Moris & Asu Familia nian
Inan-aman hotu hakarak buat ne’ebé di’akliu ba sira-nia bebé ne'ebé foin moris. Balu mós hanoin katak ne’e signifika atu dezisti hakiak sira-nia asu, maibé dikas balun hosi Dogs Trust ne’e bele tulun ita-boot sente fiar-an liután kona-ba pasu hirak-ne’ebé ita bele halo hodi prepara imi nia-an no ita-nia asu hodi simu ita-nia bebé ne’ebé foin atu moris mai.”
Belinda Phipps, Xefe Ezekutivu ba NCT, RU nia instituisaun karidade boot-liu ba inan-aman

Prepara ita-nia animál-doméstika hodi simu ita-nia bebé ne’ebé foin atu moris mai
Hahú atu prepara ita-nia asu bainhira ita hatene katak ita atu iha bebé ne’ebé atu moris mai. Bainhira ita fó tempu barak atu treina ita-nia asu no tulun nia atu adapta ba mudansas ne’ebé atu mai, prosesu hotu sei sai fasil liután.

  • Informa ba ita-nia parteira katak ita iha asu ida no ko’alia kona-ba folletu ne’e hanesan parte hosi ita-nia preparasaun.

  • Labele hein ba preparasaun ne’e to’o bainhira ita-nia bebé moris mai ona, tanba importante katak ita-nia asu sei iha kontaktu ho ita-nia bebé ne’ebé foin moris ho interrupsaun no mudansa uitoan ba ninia rotina bainhira posível .


Saida maka atu halo fulan hirak antes ita-nia bebé atu moris

  • Sertifika katak ita-nia asu iha koñesimentu báziku kona-ba komportamentu di’ak. Treina ina hodi nune’e nia sei toba nonook ba tempu badak, atu nia labele haksoit, bele la’o hakmatek tuir instrusaun la dada an no mai besik bainhira bolu. Ne’e sei halo imi nain-rua nia moris sai fasil liu.

  • Se karik ita-nia asu iha problemas komportamentu nian ruma, asegura katak problema sira-ne’e rezolvidu ona antes ita-nia bebé moris. Husu ita-nia veterináriu atu refere ita boot ba espesialista komportamentu nian ida.

  • Sertifika katak ita-nia asu saudável no hetan ai-moruk lumbriga no vasinasaun atuál.

  • Sé karik ita-nia asu hanesan ‘úniku’ animal hakiak nian, ne’e katak nia abituadu ona hetan tratamentu etimasaun hanesan ‘bebé’ iha ita-nia familia. Tulun nia atu bele ajusta nia an hodi sai menus importante, hodi husik nia mesak-mesak iha tempu balun loroloron.

  • Se karik ita iha planu atu hadook ita-nia asu hosi kuartu ka áreas ruma iha uma laran depoizde ita-nia bebé moris, entaun hahú halo ne’e lalais kedas. Idealmente, sei labele husik nia atu tama iha bebé nia kuartu.

  • Hanorin ita-nia asu atu la’o neineik besik ba bebé nia kariñu.

  • Lori sasan mobiliárius foun sira hanesan kariñu, bersu no kadeira-aas ba uma laran, hodi nune’e ita-nia asu bele hatoman an ho buat hirak-ne’e.

  • Koko atu hanorin ita-nia asu kona-ba diferensa entre ninia brinkedus no hirak-ne’ebé mak sei sai bebé nian.

  • Koko atu hetan CD ida ho bebé nia lian no toka iha área hirak-ne’ebé mak bebé sei halimar bá atu nia bele abitua ho lian ‘estrañu’ hirak-ne’e.

  • Dezenvolve rotina ida ne’ebé mak ita hakarak atu halo-tuir bainhira ita-nia bebé moris mai no mantein rotina ne’e, hodi ajuda ita-nia asu sai toman ho mudansas iha uma-laran.





T
Reg. Númeru Karidade: 227523 no SC037843


o find out more about other Dogs Trust fact sheets, or to become a member, sponsor a dog or help us in our campaigns please visit www.dogstrust.org.uk or call us on 020 7837 0006.

Bebé Foin Moris & Asu Familia nian

Bainhira ita-nia bebé moris mai ona


  • Koko atu lalika preokupa demais ho ita-nia asu kona-ba ita-nia bebé ne’ebé atu moris mai. Hanorin nia oinsá atu hakbesik ba bebé didi’ak no neneik. Fo biban ba asu ne’e atu halo investigasaun no aproximasaun inisiál ne’ebé seguru.

  • Tulun ita-nia asu atu haree bebé hanesan buat kmanek ida iha uma laran. Fo prezente no louva barak ba ita-nia asu bainhira nia iha komportamentu di’ak iha bebé nia sorin.

  • Labele husik bebé iha semente leten hamutuk ho asu no nunka atu baku ka hakilar ba nia tanba hakbesik an ba bebé ho maneira ladún di’ak. Neineik, hatudu ba asu saida mak ita hakarak atu nia halo no fó rekompensa bainhira nia halo loos.

  • Sertifika katak ita-nia asu iha ezersísiu no sasán sufisiente atu halo – asu ne’ebé mak baruk no enerjetika bele halo komportamentu aat bainhira ita okupadu ho ita nia bebé foin moris ne’e.

  • Se karik ita iha preokupasaun kona-ba ita-nia asu-nia komportamentu bainhira bebé moris ona, konsulta lalais kedas ho ita-nia veterináriu, nia mak sei refere ita ba espesialista komportamentu nian ida.



Keta Haluha; NUNKA husik bebé ka labarik ida mesak ho asu - la importa ita hanoin sira ne’e konfiavél tebes.

Atu hetan informasaun no apoiu iha áreas hotu kona-ba gravidez, partu ka tuur-ahi no inan-aman foun sira, favór vizita www.nct.org.uk ka telefone 0300 330 0700

Ita mós karik interesadu ba folletu-faktus sira seluk hosi Dogs Trust: Treinamentu Báziku ba Asu, Problemas Komportamentu Asu nian no Sosializasaun.
Dogs Trust © 2013. Site neé no ninia gráfikas sira iha direitu-autorais. Direitu hotu rezervada. Ita bele imprime folletu-faktus ne’e ba ita-nia informasaun no fotokópia karik ita presiza kópias barak. Ita labele fa’an folletu-faktus ne’e, reprodúz iha internet ka re-imprime iha kualkér publikasaun se lahó permisaun hosi Departamentu Legal Dogs Trust nian.


To find out more about other Dogs Trust fact sheets, or to become a member, sponsor a dog or help us in our campaigns please visit www.dogstrust.org.uk or call us on 020 7837 0006..

Reg. Númeru Karidade: 227523 no SC037843




Verilənlər bazası müəlliflik hüququ ilə müdafiə olunur ©azrefs.org 2016
rəhbərliyinə müraciət

    Ana səhifə